Sonnet
Zo is n zomae van ons weggerocht
Ik droeg n weg, m'n schoenen zwaer as loôd
Ik zieen nog zó z'n zunverbrande oôd
M'n opa op de trekker mee een voer
Mee stroô, z'n 'aer verwaoid, z'n neuze roôd
Toet in de tachentich nog aoltied stoer
Ik 'ebbe n gistermiddag opgezocht
De grond lag er zo open en zo bloot
Om blommen gaf n nie, d'n ouwe boer
Ie kweekte nooit vo luxe mae vo brood
Wat ei je noe an blommen, aol g'ouwoer
Wat of gin geld beurt, briengt een boer nie groot
Ik e vandaeg' een schoppe meegebrocht
En op z'n graf een aerepel gepoot
Marien Stroo